Fyrsta september til fjórða október fagna kirkjur um allan heim Tímabili sköpunarverksins |
Fyrir áratug síðan hóf Alkirkjuráðið að hvetja kirkjur til að beina sjónum sínum að náttúrunni í kringum þennan tíma. Í gegnum árin hafa sífellt fleiri kirkjur tekið þeirri hvatningu og er það nú orðið viðtekið í mörgum stórum kirkjudeildum um allan heim að tímabilið frá 1. september, sem er bænadagur náttúrunnar, og fram til 4. október, sem er helgidagur náttúrudýrðlingsins Frans frá Asíssí, sé tímabil sköpunarverksins í kirkjum heims. Á þessum tíma á kirkjan að sýna í orði og verki að boðskapur kristinnar trúar hafi margt að færa heimi sem glímir við loftsagsvá og vistkreppu.
|
|
Dagskrá þjóðkirkjunnar vegna tímabilsins 2019:
1. september: Útvarpsmessa með biskupi Íslands tengd tímabili sköpunarverksins. (Hér má hlusta á hana) September: Nýr vefur grænnar kirkju kynntur 16. september: Klukkan 17. fer fram gjörningur í Skálholti sem nefnist helgun lands. Eftir stutta helgiathöfn verður tekið til hendinni og gróðursettar plöntur. Tilgangurinn er að gefa söfnuðum og starfsstöðvum þjóðkirkjunnar tækifæri til að kolefnisjafna starf sitt og sjá andlegu víddina í varðveislu lands og náttúru – að vera ráðsmenn sköpunarverksins. Á eftir verður hægt að kaupa súpu og brauð í Skálholtsskóla. 29. september verður svo útvarpað frá umhverfismessu í Hjallakirkju í Kópavogi þar sem Sindri Geir Óskarsson guðfræðingur og meðlimur í umhverfishópi kirkjunnar prédikar. Alþjóðleg málstefna verður svo haldin í Skálholti 8. -10. október um Trú og umhverfismál með aðkomu fólks úr ýmsum starfsstéttum víðs vegar að úr heiminum. |
Gagnlegir tenglarSamstarfsvefur um Tímabil sköpunarverksins
Vefur Alkirkjuráðsins um tímabilið Vefsvæði kirkna í Ástralíu um tímabilið Vefur Anglíkana um Tímabil sköpunarverksins Lútherska heimssambandið um tímabilið 
|
HVað getum við gert?
|
Yfir þetta tímabil ættu kirkjur landsins að skipuleggja helgihald sem tengist náttúrunni á einhverja vegu. Hægt væri að bjóða upp á útiguðsþjónustu, uppskerumessu eða fjalla sérstaklega um sköpunarverkið í prédikun og bænum. Söfnuðurinn gæti farið út að plokka eða tekið þátt í skógræktarverkefni. Við hvetjum ykkur til að skoða handbókina sem er hér á síðunni í leit að innblæstri.
|
Hér má finna tillögu að umhverfismessu og tvær tillögur að umhverfisræðum. Sr. Elínborg Sturludóttir tók saman.
| ||||||||
